சிங்களம்-ஆங்கிலம்/ தமிழ்-ஆங்கிலம்/ சிங்களம்-தமிழ் மொழிகள்

அரசகரும மொழிக் கொள்கையை அமுல்படுத்தும் போது, முதன்மையான பணியொன்று தொழில்சார் மொழிபெயர்ப்பாளர்களினால் நிறைவேற்றப்படுகிறது. மொழிபெயர்ப்புத் துறையில் வேலைவாய்ப்புகள் அதிக அளவில் காணப்பட்ட போதும் உரிய தகைமைகளை உடையோர் மிகவும் குறைந்த அளவிலேயே காணப்படுகின்றனர். இந் நிலைமையைக் கருத்திற் கொண்டு  மொழிபெயர்ப்பிற்கான தொழில்சார் தகைமையை (DOL Professional Qualification in Translation) ஏற்படுத்துவதற்காக, மொழிபெயர்ப்பு குறித்த ஒருவருட கால  முழுநேர தொழில்சார் கற்கைநெறியொன்று அரசகரும மொழிகள் திணைக்களத்தினால் ஆரம்பிக்கப்பட்டுள்ளது.

மொழிபெயர்ப்புத் துறையில் ஆர்வமுள்ள  மற்றும் பின்வரும் தகைமைகளைக் கொண்ட பட்டதாரிகளை எழுத்துத் பரீட்சையின் பெறுபேறுகளின் அடிப்படையில் இப்பாடநெறிக்கு தேர்ந்தெடுக்கப்பட்டு, பாடநெறியை வெற்றிகரமாக பூர்த்தி செய்ததன் பின்னர் அரச மொழிபெயர்ப்பாளர் என்ற ரீதியில் வேலைவாய்ப்புகளில் ஈடுபடுத்துவதற்கு எதிர்பார்க்கப்படுகிறது.

பட்டதாரிகள் பின்வரும் மூன்று மொழி வகைகளின் கீழ் ஆட்சேர்ப்பு செய்யப்படும்.

  1. சிங்களம் - ஆங்கிலம் மொழி வகை
  2. தமிழ் - ஆங்கிலம் மொழி வகை
  3. சிங்களம் - தமிழ் மொழி வகை

ஆட்சேர்ப்புக்கான தகைமைகள்/ நிபந்தனைகள்

  1. இலங்கை பிரஜையாக இருத்தல் வேண்டும்.
  2. சிறந்த நடத்தையுடனும், சிறந்த ஆரோக்கியத்துடனும் இருத்தல் வேண்டும்.
  3. இலங்கையின் எந்தப் பகுதியிலும் பணியாற்றுவதற்கு இணங்குதல் வேண்டும்.
  4. விண்ணப்பங்களை பெற்றுக்கொள்ளும் இறுதித் திகதியன்று 21 வயதுக்கு மேற்பட்டவராகவும் 35 வயதுக்கு குறைவானவராகவும் இருத்தல் வேண்டும்.
  5. விண்ணப்பங்களை பெற்றுக்கொள்ளும் இறுதித் திகதியில் கல்வித் தகைமைகள் மற்றும் ஏனைய தகைமைகளைப் பூர்த்தி செய்திருத்தல் வேண்டும்.

கல்வித் தகைமைகள்

(i). சிங்களம் - ஆங்கிலம் மொழி வகை

பல்கலைக்கழக மானியங்கள் ஆணைக்குழுவினால் அங்கீகரிக்கப்பட்ட பல்கலைக்கழகமொன்றினால் மொழிபெயர்ப்பு கற்கையில் விசேட பட்டம் பெற்றிருத்தல் வேண்டும்

(ii). தமிழ் - ஆங்கிலம் மொழி வகை

பல்கலைக்கழக மானியங்கள் ஆணைக்குழுவினால் அங்கீகரிக்கப்பட்ட பல்கலைக்கழகமொன்றினால் மொழிபெயர்ப்பு கற்கையில் விசேட பட்டம் பெற்றிருத்தல் வேண்டும்

(iii). சிங்களம் - தமிழ் மொழி வகை

பல்கலைக்கழக மானியங்கள் ஆணைக்குழுவினால் அங்கீகரிக்கப்பட்ட பல்கலைக்கழகமொன்றினால் பட்டத்தைப் பெற்றிருத்தல் வேண்டும்

மற்றும்

க.பொ.த (சா/த) அல்லது அதற்கு இணையான சிங்களம்/தமிழ் (தாய்மொழி) பரீட்சையில் தேர்ச்சி பெற்றிருத்தல் வேண்டும்.

மற்றும்

க.பொ.த (சா/த) அல்லது அதற்கு இணையான சிங்களம்/தமிழ் (இரண்டாம் மொழி) பரீட்சையில் தேர்ச்சி பெற்றிருத்தல் வேண்டும்

அல்லது

சிங்களம்/தமிழ் (இரண்டாம் மொழி) அல்லது மொழிபெயர்ப்பு (சிங்களம்/தமிழ் மொழி பிரிவின் கீழ்) டிப்ளோமா ஒன்றைப் பெற்றிருத்தல் வேண்டும்.

தேர்ந்தெடுக்கும் முறை

அரசகரும மொழிகள் ஆணையாளர்  நாயகத்தினால்  நடாத்தப்படும் எழுத்துத் பரீட்சையொன்றின் பெறுபேறுகளின் அடிப்படையில் மற்றும் தகைமைகளைப் பரீட்சிக்கும்  நேர்முக பரீட்சையின் பின்னர்  முன்மொழியப்பட்ட ஒருவருட கால தொழில்சார் கற்கைநெறிக்காகத் தேர்ந்தெடுக்கப்படுவர்.

ஆட்சேர்ப்பிற்கான நிபந்தனைகள்

தாங்கள் விண்ணப்பிக்கும் மொழி வகைக்குரிய  ஒவ்வொரு  வினாத்தாளுக்கும் குறைந்த பட்சம் 40% மதிப்பெண்களைப் பெற்ற விண்ணப்பதாரிகளில் முறையே அதிக மதிப்பெண்களைப் பெற்றுக் கொண்ட 25 விண்ணப்பதாரிகள் அம்மொழி வகையின் கீழ் பாடநெறியை பயிலுவதற்கு தேர்ந்தெடுக்கப்படுவர். அவ்வாறு 03 மொழி வகைகளுக்கு 75 பயிலுநர்கள் தேர்ந்தெடுக்கப்படுவர்.

தேர்ந்தெடுக்கப்படும் விண்ணப்பதாரி ஒருவர் தனது வாய்ப்பை நிராகரிப்பாராயின், முன்னுரிமை அடிப்படையில் பட்டியலில் அடுத்து அதிக மதிப்பெண் பெற்ற விண்ணப்பதாரிக்கு  சந்தர்ப்பம்  உரித்தாகும்.

ஒவ்வொரு பட்டதாரி பயிலுநருக்கும் மாதாந்தக் கொடுப்பனவொன்று இவ் ஒருவருட காலப் பகுதியில் வழங்கப்படும்.

பரீட்சை நடாத்துதலும் பாடத்திட்டமும்

எழுத்துப் பரீட்சை - பாடத்திட்டம்

மொழி வகை வினாத்தாள் உள்ளடக்கம் நேரம் (மணித்தியாலங்கள்) மொத்தப் புள்ளிகள் சித்தியடைந்த புள்ளிகள்
சிங்களம் - தமிழ் மொழிபெயர்ப்பு – சிங்கள மொழியிலிருந்து தமிழ் மொழிக்கு

மொழிபெயர்ப்பு – தமிழ் மொழியிலிருந்து சிங்கள மொழிக்கு

நிர்வாகம் , சட்டம், விஞ்ஞானம், தொழிநுட்பவியல், இலக்கிய ஆவணங்களில் இருந்து தேர்ந்தெடுக்கப்பட்ட  பகுதிகளை மொழிபெயர்த்தல்.
2 ½




2 ½
100




100
40




40
சிங்களம்- ஆங்கிலம் மொழிபெயர்ப்பு – சிங்கள மொழியிலிருந்து ஆங்கில மொழிக்கு

மொழிபெயர்ப்பு – ஆங்கில மொழியிலிருந்து சிங்கள மொழிக்கு
2 ½




2 ½
100




100
40




40
தமிழ்- ஆங்கிலம் மொழிபெயர்ப்பு – தமிழ் மொழியிலிருந்து ஆங்கில மொழிக்கு

மொழிபெயர்ப்பு – ஆங்கில மொழியிலிருந்து தமிழ் மொழிக்கு
2 ½




2 ½
100




100
40




40

(க.வே. - எழுத்துப் பரீட்சைக்குத் தோற்றுகையில் அகராதிகள் மற்றும் சொற்களஞ்சியங்களின் பிரதிகளை பயன்படுத்துவதற்கு  அனுமதிக்கப்படும். இலத்திரனியல் சாதனங்கள் அல்லது கையடக்கத் தொலைபேசிகளை பயன்படுத்தல் முற்றாகத் தடை.)

நேர்முகப்பரீட்சை

நேர்முகப்பரீட்சைக்கு மதிப்பெண்கள் வழங்கப்பட மாட்டாது. இப்பரீட்சை தேர்ந்தெடுக்கப்பட்ட விண்ணப்பதாரிகளின் தகைமைகளை பரிசீலிப்பதற்கு மட்டுமே நடாத்தப்படும்.

பரீட்சைகளை நடாத்துதல்

2021 ஆம் ஆண்டு செப்டெம்பர் மாதம் கொழும்பில் நடாத்துவதற்கு எதிர்பார்க்கப்படுகிறது.

விண்ணப்பங்களை சமர்ப்பிப்பதற்கான இறுதித் திகதி

2021 ஆம் ஆண்டு ஆகஸ்ட் மாதம் 31ஆம் திகதி

விண்ணப்பங்களை சமர்ப்பித்தல்/ சமர்ப்பிக்கும் போது கவனத்தில் கொள்ள வேண்டிய விடயங்கள்.

  1. அரசகரும மொழிகள் திணைக்கள இணையதளத்திற்கு பிரவேசித்து நிகழ்நிலை மூலமாக மட்டுமே அனுப்பிவைத்தல் வேண்டும்.
  2. பரீட்சைகளுக்கான அனுமதியட்டைகள் மின்னஞ்சல் மூலமாக வழங்கப்படுவதால், சரியான மின்னஞ்சல் முகவரியைக் குறிப்பிடுதல் கட்டாயமானதாகும்.
  3. கணனிமயப்படுத்தும் வசதிக்காக விண்ணப்பப்படிவம் ஆங்கில மொழிமூலம் மட்டுமே பூர்த்தி செய்தல் வேண்டும்.
  4. விண்ணப்பத்தை பூர்த்தி செய்யும் போது அல்லது இது தொடர்பில் ஏதேனும் சந்தேகங்கள் இருப்பின், 011-287723 எனும் தொலைபேசி இலக்கத்தை தொடர்பு கொள்ளவும்.

 

 

 

 

அரசகரும மொழிகள் திணைக்களத்தினால் நடாத்தப்படும் செயன்முறை மொழிபெயர்ப்பு கற்கைநெறியின் சிங்களம்-தமிழ், சிங்களம்-ஆங்கிலம் மற்றும் ஆங்கிலம்-தமிழ் ஆகிய பிரிவுகளில் எதிர்கால மொழிபெயர்ப்பாளர்களுக்கு பயிற்சி வழங்குவதற்காக ஆர்வம், திறமை மற்றும் ஊக்கமிகு பயிற்சியாளர்களிடமிருந்து விண்ணப்பங்கள் வேண்டப்படுகின்றன.

பின்வரும் தகைமைகளையுடையவராயின் தங்களுக்கான சிறந்த வாய்ப்பு காத்திருக்கின்றது.

  • அரசாங்க/ பகுதியளவிலான அரசாங்க நிறுவனமொன்றில் 3 வருடங்களுக்கு மேற்பட்ட மொழிபெயர்ப்பு அனுபவம்
  • மொழிப் பிரிவுகளிடையே (சிங்களம்-தமிழ், சிங்களம்-ஆங்கிலம் மற்றும் ஆங்கிலம்-தமிழ்) மொழிபெயர்ப்பதற்கான சிறந்த திறன்
  • பல்வேறுபட்ட மென் திறன் பயிற்சி வழங்கலில் கற்பித்தல் அனுபவம்
  • பாடத்திட்டத்தை திட்டமிடும் திறன்
  • முன்வைத்தல் திறன்
  • உரிய மொழிப் பிரிவில் செவ்வையாக்க மற்றும் மீளாய்வுத் திறன்

பயிற்சியாளர்களுக்காக விண்ணப்பிக்கும் பரீட்சார்த்திகளுக்கான தெரிவு முறை

  • செயன்முறை மொழிபெயர்ப்பில் எழுத்துப் பரீட்சை             50 புள்ளிகள்
  • கட்டமைக்கப்பட்ட நேர்முகப் பரீட்சை            50 புள்ளிகள்

குறிப்பு:  

முதலில் எழுத்துப் பரீட்சைக்குத் தோற்றி குறைந்தது 30 புள்ளிகளைப் பெற்று சித்தியடைதல் வேண்டும். பின்னர், சித்தியடைந்த பரீட்சார்த்திகள்  உரிய மொழிப் பிரிவில் 15 நிமிடங்கள் செயல்விளக்க பாடத்திட்டமொன்றைச் (எடுத்துக்காட்டு சார்ந்த) செய்துகாட்ட அவசியமான கட்டமைக்கப்பட்ட நேர்முகப் பரீட்சைக்கு அழைக்கப்படுவர்.

நீங்கள் பெற்றுக்கொள்ளும் நன்மைகள்

நீங்கள் தெரிவு செய்யப்படின்,

  • அரசகரும மொழிகள் திணைக்களத்தின் மொழிபெயர்ப்பு பயிற்சியாளர் குழாத்தில் பதிவுசெய்யப்பட்டு அரசகரும மொழிகள் திணைக்களத்தின் தகைமை பெற்ற மொழிபெயர்ப்புப் பயிற்சியாளராக அங்கீகரிக்கப்படுவீர்கள்.
  • கனேடிய அரசாங்கத்தினால் நிதியுதவியளிக்கப்படும் செயற்திட்டமொன்றான தேசிய மொழிகள் சமத்துவ மேம்பாட்டுச் செயற்திட்டம் (NLEAP) உடன் இணைந்து அரசகரும மொழிகள் திணைக்களத்தினால் நடாத்தப்படும் பயிற்சியாளர்களுக்கான பயிற்சி (ToT) பட்டறையொன்றில் பங்குபற்றுவதற்கான வாய்ப்பு உங்களுக்கு வழங்கப்படும்.
  • அரசகரும மொழிகள் திணைக்களத்தின் செயன்முறை மொழிபெயர்ப்பு கற்கைநெறியின் செயலமர்வுகளை நடாத்துவதற்கு நீங்கள் அழைக்கப்படுவதுடன் நடாத்தப்படுகின்ற ஒவ்வொரு செயலமர்வுக்கும் அங்கீகரிக்கப்பட்ட உயரிய பணிக்கொடுப்பனவும் செலுத்தப்படும்.
  • செயன்முறை மொழிபெயர்ப்பினைக் கற்பிப்பதற்கு பயிற்சியாளர்கள் தேவைப்படுத்தப்படும் பல்கலைக்கழகங்கள் உள்ளடங்கலாக ஏனைய நிறுவனங்களுக்கும் தகைமை பெற்ற பயிற்சியாளராக நீங்கள் பரிந்துரை செய்யப்படுவீர்கள்.

 

முடிவுத் திகதி: 2021 ஜூலை மாதம் 31 ஆம் திகதி

 

 

மொழிபெயர்ப்புக் கோரிக்கைகளுக்கான மென் பிரதிகளை இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும். என்ற மின்னஞ்சல் முகவரிக்கு அனுப்பி வைக்கவும். அத்துடன் குறித்த பணி தொடர்பாக நடவடிக்கைகளை மேற்கொள்ளும் உத்தியோகத்தரின் பெயர் மற்றும் தொலைபேசி இலக்கத்தைக் குறிப்பிடவும்.

மேலதிக விபரங்களுக்கு,
திருமதி. திலினி 078 3633797

அரசகரும மொழிகள் திணைக்களம் மற்றும் www.bhashawa.lk. இணையதளங்கள் ஆகியவற்றில் மொழி அனுசரணையாளர்களாக தம்மைப் பதிவுசெய்ய எதிர்பார்த்திருக்கும் பரீட்சார்த்திகளுக்கான ஆட்சேர்ப்புப் பரீட்சையானது 2020 செப்டெம்பர் மாதம் நடைபெற உள்ளது. சிங்களம் – ஆங்கிலம், சிங்களம் – தமிழ், தமிழ் – ஆங்கிலம் ஆகிய மொழிபெயர்ப்புக்களில் திறமை வாய்ந்தவர்கள் அரசகரும மொழிகள் திணைக்களம் அல்லது www.bhashawa.lk. இணையதளங்கள் ஆகியவற்றினூடாக 2020 ஆகஸ்ட் மாதம் 15 ஆம் திகதிக்கு முன்னர் விண்ணப்பிக்க வேண்டும்.